Georg gevst sum tíðindaleiðari í Kringvarpinum

Georg L. Petersen hevur sagt seg úr starvi sum tíðindaleiðari í Kringvarpinum.

Hann hevur verið í starvinum í fýra ár.

“Hesi fýra árini, eg havi sitið sum tíðindaleiðari, hava verið spennandi og avbjóðandi. Fleiri átøk eru framd bæði í útvarpi og sjónvarpi”, sigur Georg L. Petersen. “Nú standa aðrar broytingar fyri framman, og tí er best, at onkur annar sleppur framat.”

Talgildir pallar

Kringvarpið leggur seg alt meira eftir at menna talgildu pallarnar, og hetta fer at hava broytingar við sær, sigur kringvarpsstjórin Ivan Niclasen. 

“Strategiskt leggja vit orku í eina talgilda snaring, og tað fer at seta nýggj krøv til leiðslu og starvsfólk. Samstundis skulu vit alla tíðina hava fokus á at menna perspektiverandi og kritiska journalistikkin”, sigur hann.

Georg L. Petersen er virkandi tíðindaleiðari, til ein nýggjur er settur.