Rokfiskiskapur eftir sild

Føroysku skipini hava fiskað umleið 42.000 tons av sild higartil í november. Tað vísa hagtøl frá Vørn.

Fimm skip hava brúkt møguleikan, sum loyvir føroyskum skipum at landa sild uttanlands. Fýra skip hava ella eru á veg inn og fara at landa 4.900 tons av sild í Danmark, meðan eitt skip fer at landa 2.300 tons í Norra. Tilsamans 7.200 tons.

Skipini, ið higartil hava ella fara at landa uttanlands, eru Ango, Birita, Fagraberg, Gamli Jupiter og Hoyvík. 

Sildakvotan er stívliga 100.000 tons í ár. Fyri sløkum trimum vikum síðani vóru einans 5.500 tons fiskað. 

Í alt eru nú 49.000 tons av norðurhavssild fiskað í ár.