- Tíðindi, mentan og ítróttur
Súrligar nætur: Tað er eitt "turn off", um gentan ikki rakar sær um beinini
Í Keypmannahavn búgva Bárður, David og Rannvør.
Tey eru júst farin í holt við at gera útvarpssendingina Súrligar nætur, sum var at hoyra í útvarpinum fyrstu ferð sunnukvøldið.
Millum evnini hesa ferð vóru "turn ons" og "turn offs"
Og um tað er nakað, sum Bárði ikki dámar, so er tað hár á kvinnubeinum.
Sendingin Súrligar nætur
Súrligar nætur er ein útvarpssending, har trý ung tosa um tað, sum rørir seg í Føroyum og Danmark. Tey viðgera evni, sum ung tosa sínámillum, viðgera ymiskt, tey hava sæð á netinum, og so halda tey seg ikki aftur við at prika til hvønn annan og onnur.
Ætlanin við sendingini er, at tey kunnu tosa opið og erligt, geva hvørjum øðrum avbjóðingar og fáa lurtararnar at føla, at tey sita í rúminum saman við teimum, sama hvar tey eru stødd.
Vertirnir eru Bárður Petersen, David Thomassen og Rannvør Fríða Eyðunsdóttir, sum lesa og arbeiða niðri.
Í fyrsta parti tosa tey um #textmewhenyougethome, brostekn, politikarar, sum sleppa við í jólaveitslu, og hvat tey halda er dragandi og ikki.
Til ber at hoyra allan fyrsta part her:
