Føroya Tele enn meldað

Føroya Tele er enn meldað til løgregluna við einum sektaruppskotið uppá 27 milliónir krónur.

Tað sigur Michael Boolsen, fúti, nú Kærustovnurin hevur fríkent Føroya Tele í málinum, sum Kappingareftirlitið hevur meldað Føroya Tele í.

Í september í fjør kom fram, at Kappingareftirlitið hevði meldað Føroya Tele til løgregluna í sambandi við niðurstøðuna hjá teimum um, at Føroya Tele hevði misnýtt sína ráðandi støðu á marknaðinum í sambandi heilsølu av FullMVNO avtalum innan fartelefoni í Føroyum.
Sektaruppskotið var 27 milliónir krónur.

Men Føroya Tele góðtók ikki sektaruppskotið og kærdi málið til kærustovnin,

Og í gjár kom kærustovnurin til eina aðra niðurstøðu enn kappingarráðið - Føroya Tele var fríkent í málinum.

"avgerðin er grundað á, at tað við støði í upplýsingunum í málinum ikki er grundarlag fyri at staðfesta, at Føroya Tele í 2017 hevði eina ráðandi støðu á marknaðinum fyri heilsølu av FullMVNO avtalum innan fartelefoni í Føroyum", stendir millum annað í niðurstøðuni.
Men hóast kærustovnurin er yvir kappingareftirlitinum fellur málið ikki burtur av sær sjálvum, sigur Michael Boolsen, fúti