Løgmaður: Minni samstarv við Russland bøtir um samstarvsmøguleikar við ES

Jú minni samstarv vit hava við Russland, tess betri møguleikar hava vit at bøta um samstarvið við bæði ES og Bretland.
Tað ásannar Aksel V. Johannesen, løgmaður, sum í dag var á fundi við Ursulu von der Leyen.

Á fundinum umrøddu løgmaður og ES-nevndarforkvinnan, hvussu Føroyar og ES kunnu styrkja samstarvið. Føroyar eru partur av Evropa, og løgmaður legði á fundinum dent á, at geopolitiska støðan økir týdningin av tættari samstarvi við ES.