Ósemjan um bygnaðin í Kommunufelagnum bleiv jólatrøll

Semja er ikki um, hvussu bygnaðurin í Kommunufelagnum skal vera frameftir.

Ætlaðar bygnaðarbroytingar vóru á skránni á eykaaðalfundinum í Kommunufelagnum fyrrapartin.

Varð uppskotið um nýggjar viðtøkur hjá Kommunufelagnum samtykt á eykaaðalfundinum, merkti tað, at Tórshavnar Kommuna fór at missa atkvøður á borgarstjórafundi.

Tórshavnar kommuna hevur nú góð 42 prosent av atkvøðunum, men skuldi sambært uppskotinum fara niður í góð 33 prosent.

Men uppskotið bleiv sparkað út til horna, sum tikið verður til, og skal koma fyri aftur á eykaaðalfundi í nýggja árinum. 

Harvið bleiv ósemjan um bygnaði í Kommunufelagnum jólatrøll. 

Hoyr beinleiðis reportasjuna frá aðalfundinum í Kommunufelagnum.