Jobmatch setir met aftur í ár

Fríggjadagin 29. desember verður starvsstevnan Jobmatch í Norðurlandahúsinum. Síðan 2008 hevur Jobmatch verið á hvørjum ári burtursæð frá í 2009 og í 2021. Sostatt verður hetta 14. ferð, at skipað verður fyri Jobmatch.

Katrin I. Gregersen, verkætlanarleiðari, sigur, at 78 fyritøkur hava meldað til í ár, og nú er fullteknað. So nógvar fyritøkur hava ongantíð verið við fyrr.