Orka fer at hava útgávukonsert á betonglofti á Skála

Herfyri gav Orka nýggja útgávu út. Í tí sambandi fer bólkurin at hava útgávukonsert á loftinum hjá El-Service á Skála. Jens L. Thomsen, oddamaður í Orku, greiðir frá, at valið fall á betongloftið, tí tað er í tráð við andan í Orku at spæla "atypisk støð". Tvey onnur nøvn verða at hoyra til konsertina; Dávur Poulsen og Anna Katrin Egilstrøð. Konsertin skal takast upp til ein film, sum Orka fer at geva út seinni. Konsertin verður 22. desember kl. 20. Atgongumerki fáast á Atgongumerki.fo.