Náttúrugjald kann gerast grønvasking

Tað sigur Jón Kragesteen, formaður í Føroya Náttúru- og umhvørvisfelag í sambandi við hoyringssvarið til uppskotið um gongd í haga.

Føroya Náttúru og umhvørvisfelag mælir í hoyringsskrivinum eisini til, at tað verður meira ítøkjuliga lýst, hvat náttúrugjaldið skal nýtast til, samstundis sum spurnartekin verður sett við, um gjaldið er sett nóg høgt.

Aftrat hesum eigur hugtakið beriføri at vera innført í lógaruppskotið um burðadygga ferðavinnu. Við hesum skal eitt loft vera ásett, sum sigur, hvussu nógv fólk kunnu vitja eitt ávíst stað, sigur Jón Kragesteen.

Tí eigur størri atlit at vera tikið fyri náttúruni í slíkari lóggávu, heldur formaðurin í náttúru og umhvørvisfelagnum