Fólkatalið í Suðuroynni er søguliga lágt.<br/>
Tað eru serliga tey ungu og fólk í arbeiðsførum aldri, sum flyta úr Suðuroynni.<br/>
Borgarstjórar royna og hava roynt at fáa fólk at trívast og verða verandi við ymiskum átøkum, men keðiliga gongdin heldur fram.<br/>
Mitt í øllum hesum er kjakið um ein møguligan Suðuroyartunnil.<br/>
Nógv halda, at ein Suðuroyartunnil kann fara at verða lívsnervin, sum kann venda gongdini, gera tað lættari hjá ungum familjum at flyta aftur í oynna, skapa arbeiðspláss og tryggja, at Suðuroy ikki verður ein útoyggj í landinum.<br/>
Men landskassin er kroystur, og bæði Landsbankin og Búskaparráðið ávara ímóti at gera eina lánifíggjaða íløgu, sum kann kosta upp í ein fimting av BTÚ. Stutt sagt: Vit hava ikki ráð nú.<br/>
Í sendingini frætta vit frá ungum í Suðuroy, sum skulu avgera, um teirra framtíð er í oynni, aðrastaðni í Føroyum ella úti í heimi.<br/>
Og vit tosa við borgarstjóra, sum stríðast við minkandi fólkatali í kommununi.<br/>
Gestir: Sissal Nolsøe, Angela Birgisdóttir, Agatha Djurhuus, Hjalmar Hammer, Torkil Holm og Bjarni Johansen.<br/>
Vertur: Sigurjón Einarsson.