Uni Debess er farin undir eina stóra og áhugaverda verkætlan, sum fevnir um tríggjar nýggjar tónleikaútgávur.

Ein er við nýggjum løgum, sum eru sett til yrkingar hjá langabbanum, Nyholm Debess.

Onnur við løgum hjá pápa Una, Per Debess.

Og tann triðja útgávan er við spildurnýggjum, føroyskum tónleiki, ið Uni Debess sjálvur hevur gjørt.

Umframt at vit fáa brellbitar úr hesum nýggju verkætlanunum, verður í dag eisini leitað 20 ár aftur, tá fløgan Gangi eg, sum eisini var bygd á yrkingar hjá langabbanum, Nyholm Debess, kom á marknaðin.

Saman við Una í Studio 5 eru Edvard Nyholm Debess á bassinum og Finnur Hansen við klaverið.