Vit ringdu til Kristinu Gry Berg og frættu um tiltøk í Fuglafirði. Vit ringu til Sigrið Mikkjalsdóttir og frættu um tiltøk í Norðyggjum. Vit vóru á gátt hjá Visit Tórshavn og frættu frá Sonju Johannesen, hvat fyriferst um vikuskiftið í Havn. Vit fingu vitjan av bólkinum Tøgn, Beinir Troest Rasmussen, Jónas Gaard og Bárður Petersen. Teir eru tilnevndi til FMA virðisløn. Til hesa sendingina høvdu teir við sær eitt spildurnýtt lag, sum eitur "Sig mær" og snýr seg um heimlongsul til Føroya. Nýggj kafé letur upp í Nólsoy í summar. Vit fingu vitjan av tveimum av fyriskiparunum, Nicolai Falck og Ola Svein Luthersson. Kórkonsert verður í Hátúni í Havn leygardagin. Taðverða trí kvinnukór, sum fara at syngja. Tey eru Suð úr Klaksvík, Fljóðljóð úr Havn og Silvitni av Strondum. Ásbjørn Berthelsen og Erla Bech Nolsøe vitjaðu sendingina í tí sambandi. Vit singdu til Sunnevu Háberg Eysturstein, sum skal verða vertur í Leitisstein um vikuskiftið. Tróndur Vatnhamar og Leivur Thomsen løgdu sendingina til rættis.