- Tíðindi, mentan og ítróttur
Guðstænastur í útvarpi
Hátíðarguðstænasta úr Dals kirkju.
Jóanes N. Johannesen, deknur, og Sjúrður Nolsøe, klokkari, vórðu heiðraðir fyri fimti ára trúfasta tænastu. Teir fingu Den Kongelige Fortjenestmedalje, ið Jógvan Fríðriksson, biskupur, handaði teimum. Kirkjuráðið við Helgu Hilmarsdóttir forkvinnu á odda handaði teimum gávu sum tøkk fyri trúgva tænastu.
Anfinn Johannesen hevur eisini verið deknur í yvir 50 ár. Hann hevur áður fingið medalju fyri sítt trúgva arbeiði hjá Landsverki.
Prestar vóru Jákup Reinert Hansen og Havstein Klein. Tað var Havstein, ið prædikaði.
Sandoyarkórið undir leiðslu av Susanne Brattaberg sang. Møðgurnar Gunna og Signhild Johannesen spældu klarinett.
Sálmarnir, ið sungnir vórðu fyri prædiku:
nr. 328 Hesin er dagurin Guð hevur sett
nr. 69 Jesus kom og ver hjá mær
nr. 332 Títt orð er, Guð, várt arvagóðs
og eftir prædiku
"Sálin roðan sendir", ið Jónleif Johannesen yrkti til hátíðarhaldið, tá ið Dals kirkja fylti 50 ár
nr. 43 Tín miskunn o Guð er sum himinin há
Ljóðtøkningur í kirkjuni var Høgni Reinert Hansen
Guðstænastur í útvarpi
Útvarpið sendir beinleiðis gudstænastu hvønn sunnudag í árinum úr føroysku fólkakirkjuni. Harumframt verða gudstænastur eisini útvarpaðar um kirkjuligu høgtíðirnar.
Sagt verður, hvør er prestur, deknur, urguleikari og klokkari, og hvørjir sálmar verða sungnir.
