Grundleggjandi er tónleikurin á plátuni fólkapoppur, men hon ferðast eisini víða um í sjangrum. Eitt nú er eitt reggae-lag á plátuni, og tað er fyrstu ferð, at Guðrið letur eitt tílíkt úr hondum.

Eisini eru sangir, ið eru kontri-kendir, og okkurt fær fólk at hugsa um grunge-tónleikin úr 90´unum.

Sýrublað er tikin upp í studio hjá Høgna Lisberg við Gøtugjógv, og á útgávuni eru tað tey bæði, ið spæla øll ljóðførini.

Í Studio 5 er manningin henda:

Guðrið Hansdóttir, sang og gittar

Høgni Lisberg, trummur

Vinjar Petersen, klaver

Benjamin Petersen, gittar

Marianna Winter, kór