Kristian Osvald Viderø var prestur, rithøvundur, bíbliutýðari og skald.

Í 1951 fór hann sína tiltiknu “Jorsalaferð”. Seinni skrivaði hann bókina “Ferð mín til Jorsala”, ið hann fekk M.A. Jacobsens virðislønina fyri í 1985.

Viderø, ið var ein stílmeistari, greiðir meistarliga frá um dvøl sína í Durham ávegis til hitt heilaga landið, har hann tekur lut í aftansanginum í dómkirkjuni, ið veruliga hugtók hann.

Í sendingini hoyra vit eitt nú brot úr hesi høvuðsbók hansara og sang og tónleik úr Durham Cathedral.

Meinhard Bjartalíð, prestur, sigur frá.