- Tað var ein tið, har eg føldi meg í eksil. Tað gjørdi so tað, at tey menniskjuni, sum kenna seg útstoytt, hava altíð staðið mær nær.

Sámal Petur í Grund hevur merkt á egnum kroppi, hvat tað merkir at vera útstoyttur og forfylgdur. Í sambandi við hjúnaskilnað, sum bleiv viðgjørdur dagliga í fjølmiðli, tosaði hann bert við heilt fá fólk, tí hann kendi seg úthongdan og gjørdur ómenniskjaligur. Tað lagaði seg so líðandi, men tað var hart - serliga fyri børnini.

Á løgtingsvalinum 26. mars kom Sámal Petur í Grund aftur í løgtingið, eftir at hava verið í politiska kuldanum í nøkur saman við Sjálvstýri, sum hevur verið úr løgtinginum seinasta valskeið. Nú er flokkurin aftur, og tað fekk viðmerkjara at kalla hann "the comeback kid"!

Eitt heiti, sum hann hevur tað gott við.

Dóttirin, sum á sinni mátti síggja pápa sín úthongdan, lýsir i dag Sámal Petur í Grund sum ein hjartagóðan, rúmligan, fevnandi og hjálpsaman pápa, sum er ein fyrimynd hjá henni.

Sámal Petur í Grund er fyrst útbúgvin sum elektronikkmekanikari, hann hevur siglt, hann hevur virkað sum trúboðari, og gjørdist stýrimaður og skipari á ferjum hjá Strandferðsluni í nógv ár. Seinastu 21 árini hevur hann verið skipari á SAM.

Nú er tað aftur sum politikara, sum vit fara at uppliva Sámal Petur í Grund.

Hoyr samrøðuna við Sámal Petur í Grund, har vit tosa um hansara bakgrund, lívið sum trúboðari og fjarritari, upp- og niðurtúrar sum politikari, og ikki minst hansara persónligu søgu.