Havnar Jazzfelag fær í 1980 innivist í Perluni í Vágsbotni. Tað var eitt hús, ið sjáldan svav. Tónleikarum stóð frítt at koma og fara. Har var vant og spælt. Orkestur úr øllum norðurlondum vitjaðu. Opið var fleiri kvøld um vikuna, og tey, ið sótu í nevndini, løgdu nógvar ætlanir. Útgávurnar eru nógvar og forvitnisligar. Nevnast kann LP-in "Ábit" hjá Kræklingum, Brongl, sum Jóhannus á Rógvu Joensen er høvuðsmaður í, letur ikki færri enn tvær LP-plátur út, eisini fáa vit "Snjóugluna" - fyrsta heildarverkið hjá Kristiani Blak.