Hvør eigur at avgera, nær eitt lív skal enda?<br/>
Í Føroyum er virkin deyðshjálp ólóglig og revsiverd. Men samstundis er tað loyvt at halda uppat við lívsleingjandi viðgerð og at geva pínulinna, sum kann framskunda deyðan.<br/>
Í fleiri londum er virkin deyðshjálp seinastu árini vorðin ein lógligur møguleiki undir ávísum treytum, og í hesi vikuni hevur evnið eisini verið reist í Føroyum, har fleiri faklig ráð komu við sínum íkasti til spurningin.<br/>
Men tað er ikki bara ein løgfrøðiligur spurningur, hvørt vit skulu hava virkna deyðshjálp ella ikki. Tað er fyrst og fremst ein etiskur spurningur.<br/>
Men hevur eitt menniskja rætt til sjálvt at velja deyðan, tá líðingin gerst ótolandi?<br/>
Og eigur samfelagið nakrantíð virkið at hjálpa einum menniskja at doyggja?<br/>
Í sendingini í dag seta vit sjóneykuna á eitt av truplastu málunum í okkara tíð.<br/>
Gestir: Bergur Debes Joensen, formaður í Etiska ráðnum, Eyðdis Hartmann Niclasen, landsstýriskvinna í heilsumálum og Jákup N. Olsen, formaður í Sjúklingaráðnum.<br/>
Vertur: Sigurjón Einarsson.