Í 3. parti verður dentur lagdur á ta ávirkan, sum vinnulívið hevur á náttúru, lívmargfeldi og trivnað hjá fólki.  

Nógv virksemi er kring landið, og í fleiri førum er tungt vinnuvirksemi staðsett í bygdum øki við nógvum sethúsum og vanligum fólkalívi.  

Tílíkar staðsetingar fara fólk ikki at góðtaka í framtíðini, heldur samfelagsfrøðingurin, Sámal Matras Kristiansen, tí tíðin við einum flakavirki á hvørjum tanga er farin. 

Vit frætta um stríðið hjá Trinu Eysturoy, forkvinnu í Heimafriði, ímóti ljóðdálking í føroyskum havnum, og vit hitta Niels Winther, stjóra í Vinnuhúsinum, og Súsonnu Berg, ráðgeva í burðardygd.  

Tey bæði verða m.a. spurd, hvat vinnulívið ger fyri at verja margfeldið í náttúruni. Tey svara, at alt hevði verið lættari við eini fullfíggjaðari føroyskari náttúruskráseting. 

Uni Arge leggur til rættis.