Systrarnar Olivia Reinert Joensen og Jóna Reinert Joensen práta við Silju Aldudóttur, ritstjóra á Bókadeild Føroya Lærarafelags, um ungdómsbøkur.
Í hesum partinum tosa vit um fantasy-røðina um Tóru eftir Elina Michelsen. Tær tríggjar bøkurnar Rimarúmið, Vanvarði og Feigdarfræ snúgva seg um gentuna Tóru, sum byrjar í einum skúla fyri huldur uttan at vita nakað um huldur og teirra gávur frammanundan. Vit tosa um tað at brúka føroyskar sagnarverur í fantasy til ung, um hvat er serligt við hesari røðini, og hvat vit kenna úr øðrum fantasy-bókum. Vit tosa um Tóru og vinirnar, hon fær, skúlan, huldugávur og kvartar, og hvørja gávu vit sjálvar høvdu viljað havt.
Bókadeild Føroya Lærarafelags gav bøkurnar út.
Vertur: Silja Aldudóttir
Í panelinum: Olivia Reinert Joensen og Jóna Reinert Joensen