Systrarnar Olivia Reinert Joensen og Jóna Reinert Joensen práta við Silju Aldudóttur, ritstjóra á Bókadeild Føroya Lærarafelags, um ungdómsbøkur.
Hvussu er tað at vera ungur og stríðast kropsliga ella sálarliga? Í hesum partinum tosa vit um tvær ungdómsskaldsøgur, sum snúgva seg um júst hetta. Skaldsøgan Skamtalop eftir Lise Villadsen snýr seg um eina gentu, ið hevur eina systur, sum hevur angist. Í skaldsøguni Lortaposi eftir Xenu Knox hoyra vit um eina gentu, sum hevur tarmsjúku og fær stomi-posa. Vit tosa um, hvussu hesar bøkurnar lýsa sálarligar og kropsligar avbjóðingar.
Marna Jacobsen týddi Skamtalop, og Tóri Rasmussen týddi Lortaposa.
Bókadeild Føroya Lærarafelags gav bøkurnar út.
Vertur: Silja Aldudóttir
Í panelinum: Olivia Reinert Joensen og Jóna Reinert Joensen