Flestu føroyingar kenna hann úr sangum sum Í skúri, Tú brennur so í mær, Til allar vinir og Brimbardu klettar.

Tað er lítið at ivast í, at fleiri, ið skipa fyri konsertum, kundu hugsað sær at fingið Jákup Marnar á pallin.

- Viðhvørt letur í telefonini, viðgongur hann. - Men svarið er tað sama hvørjaferð.

Spurdur um hann ikki kann lokkast, sigur kenda røddin, at man skal ongantíð siga ongantíð, men sum støðan er í løtuni, er svarið nei.

Hetta merkir kortini ikki, at Jákup Marnar er liðugur við tónleikin.

Í summar læt Blátt frá sær nýggja sangin, Hesin býur, og helst kemur annað tilfar seinni.

Í hesi sending hoyra vit sangir, ið Jákup Marnari dámar serliga væl.

Á skránni eru eitt nú Beatles, Uriah Heep, Yes, Rainbow og E.L.O.