Tvey evni eru í sendingini í dag<br/>
Ísraelar skulu í dag gera av, hvør skal sita í teimum 120 sessunum í ísraelska tjóðartinginum, Knesset, næstu fýra árini.<br/>
Hetta er fyrsta tjóðartingsvalið í Ísrael síðani álopið hjá palistinska Hamas í Ísrael 7. oktober í 2023. Hvussu merkir tað valdagin í dag?<br/>
Hvat snýr hetta valið seg um, og megnar Benjamin Netanyahu, sitandi forsætisráðharri, at halda fast um valdið undir øktum trýsti innanhýsis í Ísrael og uttanífrá?<br/>
Vit eru eisini á ársfundi hjá Norðurlandaráðnum í finska høvuðsstaðnum, Helsinki. Talan er um fyrsta fundin, eftir at Føroyar, Grønland og Áland hava fingið fast sæti í formansskapinum hjá ráðnum.<br/>
Við í sendingini: Beinir Johannesen, løgmaður, Sunnvá Dahl Høgfeldt, komandi varaforseti í Norðurlandaráðnum, og Petur Petersen, føroyskur sendimaður í Ísrael.<br/>
Gjørt sendingina hava: Katrin Johannessen, Birgit Carina Eliasen, Birita Matras Petersen og Ingolf Sólheim Olsen, sum eisini var redaktørur.