Krabbamein og viðgerð kunnu ávirka sambandið við kroppin og harvið eisini ávirka sjálv fatanina. Men hvussu er at liva við og í einum kroppi, sum møguliga sær ella kennist øðrvísi enn áður? Og hvussu kunnu broytingar í útsjónd, orku og førleikum ávirka sjálvsfatanina og álitið á kroppin? 

Upplivingin av kroppinum eftir krabbamein og viðgerð er ymisk. Hjá summum broytist útsjóndin, meðan onnur merkja broytingar í orku og førleikum. Hjá summum er kropsliga broytingin ikki sjónlig, men sjúkan og viðgerðirn kann  kortini broyta áskoðanina bæði á kroppin og á lívið. 

Broytingarnar síggjast ikki altíð uttaná, men kunnu ávirka, hvussu vit síggja okkum sjálv og trívast í egnum kroppi. Eftir sjúku kunnu eisini spurningar taka seg upp um álitið á kroppin, og hvussu ein handfer ein nýggjan veruleika við møguligum broytingum og seinfylgjum. 

Í triðju sendingini av Aftaná tosa vit um kroppin eftir krabbamein. 

Gestir í sendingini eru Aksel Haraldsen, Eir í Ólavsstovu, Maria Jørdal Niclasen og Suni Poulsen.