Rákið er at hava útbúgvingar kring landið

Bergun Kass, forkvinna í eldranevndini í Tórshavnar kommunu, mælir til, at møguleikar skulu eisini verða at útbúgva seg til heilsuhjálpara og -røktara í miðstaðarøkinum, tí tørvurin er so stórur.

Bergun Kass sigur, at staðsetingin av Heilsuskúlanum í Suðuroynni, er orsøkin til, at so fá í miðstaðarøkinum nema sær hesa útbúgvingar.

Jenis av Rana, landsstýrismaður í skúlamálum, sigur, at nú verður kannað, um tað ber til at eggja fólki til at fara undir útbúgvingina, um løn verður goldin í lærutíðini í staðin fyri studningur.

Hann vísir á, at heldur enn at miðsavna útbúgvingar, er rákið at leggja tær út um landið.

Jenis av Rana var gestur hjá Sigrún H. Brend í útvarpsstovuni.