Havnin skal verða súkklubýur

Hvussu kann Tórshavnar kommuna gerast ein góður súkklubýur?

Tann spurningurin verður viðgjørdur á býráðsfundinum hóskvøldið. 

2020 er kosið at vera súkkluár, og umstøðurnar at súkkla í Tórshavnar kommunu skulu betrast og gerast tryggari, ætlar kommunan.

Ein millión sett av

Ein millión krónur er í íøguætlanini í ár, og tvær mió. kr. um árið eru í langtíðar íløguætlanini.

Ætlanin er at gera umstøður fyri súkkluparkering við hentleikum sum luft og skrúvulyklum til dømis.

Allir kantar á gongubreytum og súkklubreytum fáa skráar, har súkklur skulu koyra um. 

Og súkklur skulu sleppa í bussarnar ávísar tíðir á degnum.