Grágásin tald

Á sumri í 2018 varð talt á 13 vøtnum, firðum og vatngoymslum. Úrslitið var 821 gæs. Um heystið varð talt aftur, tá taldu 21 fólk á 70 støðum í níggju oyggjum.

Tey taldu 1.000 grágæs. Eisini í fjør varð talt tvær ferðir, í mars og í november. Havstovan sigur, at í mars taldu 15 fólk á 79 støðum í sjey oyggjum 789 grágæs.

Í november taldu 13 fólk á 80 støðum í átta oyggjum 689 gæs. Grágæs verða millum annað taldar við dronu. 

Grágásakanningin, sum Jóhannis Danielsen og Leivur Janus Hansen hava staðið fyri, kann síggjast á heimasíðuni hjá Havstovuni, hav.fo.