Mjølnir og SÍ í báðum finalunum

Hálvfinalurnar í flogbólti vórðu leiktar í gjár í Klaksvík, og úrslitið varð, at tað verða Mjølnir og SÍ sum verða at síggja í bæði kvinnu- og mansfinalunum.

Hjá kvinnunum vann Mjølnir sær fyrsta finaluplássið við at vinna 3-0 á KÍF við settúrslitunum 25-21, 26-24 og 25-21. Hitt finaluplássið vann SÍ, tá tær bastu Drátti við úrsltinum 26-24, 25-19, 23-25 og 25-20.

Hjá monnunum vann SÍ sær fyrsta finaluplássið við at vinna 3-2 móti Fleyr við úrslitunum 25-23, 19-25, 23-25, 25-23 og 15-11. Hitt finaluplássið fór til  Mjølnir, sum vann 3-1 móti ÍF við settúrslitunum 23-25, 25-18, 25-22 og 25-22.

Tannn stóri finaludagurin verður í Høllini á Hálsi 22. februar.