Meira enn 6.000 fólk deyð av COVID-19

Nýggjastu tølini vísa, at 6.036 fólk eru deyð av coronasmittuni. Tað skrivar tíðindastovan AFP

Kina er tað landið í heiminum, sum er harðast rakt. Meira enn 3.000 fólk eru deyð í Kina av coronasmittuni. Italia er harðast rakt í Evropa.

Í Spania eru meira enn 100 fólk deyð seinasta ssmdøgrið, og tilsamans eru 288 deyð. Seinastu 24 tímarnar hava 2.000 fingið smittuna. Forsætisráðharrin, Pedro Sanchez, hevur lýst neyðrættarstøðu í Spania. 

Í Týsklandi hava mynduleikarnir eisini hert tiltøkini. Sambært tíðindastovuni Reuters fer Týskland at steingja markið til Eysturríki, Sveis og Frakland í morgin. Markið til Danmark verður eisini stongt.