Kunnu vænta fleiri smittað afturat

Nýggjastu tølini frá Heilsumálaráðnum vísa, at 47 fólk nú eru smittað av korona í Føroyum.

Tað eru tvær vikur, síðan fyrsti tilburðurin var staðfestur. Fyrstu dagarnar komu ikki nógv fleiri tilburðir, men seinastu dagarnir er talið vaksið skjótt.

Bara seinastu tveir dagarnar er almenna talið av smittaðum farið úr 11 og upp í 47.

Lars Fodgaard Møller, landslækni, væntar, at talið veksur meira, men hvussu høgt tað verður, torir hann ikki at siga nakað um.