Smyril fær ikki siglt, sum hann skal

Smyril fær ikki siglt, sum hann skal, tí brek er við teknisku útgerðini.

Hann fór ikki av Krambatanga fyrr enn klokkan hálvgum átta í morgun, og Smyril er eisini seinkaður, tí hann hann siglir við minni ferð, enn hann skuldi gjørt.

Og tí fór hann heldur ikki suður aftur á Krambatanga klokkan 10, sum hann annars skuldi.

Jóhan Petur Abrahamsen, tekniskur leiðari hjá Strandferðsluni, sigur, at tað tekur tíð at bíleggja lutirnar til at umvæla brekið, og koronastøðan ger tað trupult at fáa lutir til landið. Í ringasta føri kann tað vera, at neyðugu lutirnir ikki koma til landið fyrr enn síðst í hesum mánaðinum.

Hann leggur afturat, at Smyril helst siglir av aftur Havnini kl. 17.00 seinnapartin í dag.