20 mió. kr. meira í skatti í apríl

Fyribilsskatturin í apríl í ár, sum var ein heilur mánaður við koronu, var 20 mió. kr. størri enn í apríl í fjør.

Í ár var hann góðar 370 mió. kr. Í fjør var hann 350 mió. kr.

A-inntøkan var ein milliard og 75,5 milliónir í apríl í ár. Hon var ein milliard og 10 milliónir í apríl í fjør.

Ein onnur samanbering kann gerast við februar í ár.

Tann fyrsti, sum var staðfestur at vera smittaður við koronu í Føroyum, varð funnin 3.mars.

Í februar í ár var fyribilsskatturin 377 mió. kr., og A-inntøkan var ein milliard og 68 milliónir krónur.