Bíða eftir eini áheitan

Eyðfinnur Jacobsen, formaður í stýrinum fyri ALS, er sinnaður at viðgera málið av nýggjum í ALS-stýrinum, um politiski myndugleikin metir, at innlit skal latast í, hvørjar fyritøkur hava brúkt serligu ALS-skipanina í hjálparpakka eitt.

Kringvarpið hevur fingið noktað svar, tá søkt hevur verið um innlit í hvørjar fyritøkur hava brúkt skipanina.

Sambært Eyðfinni Jacobsen, er orsøkin tann, at innlit veitir ov nógvar upplýsingar um einstakar borgarar. Og tað er í stríð við bæði persónsupplýsingarlógina og lógina um alment innlit.

Frætt meira um hetta í Breddanum í útvarpinum 17:05 í dag.