Heimavirki og vardir bústaðir í tinginum í dag

Nøkur mál verða avgjørd á tingfundinum seinnapartin í dag.

Átta mál eru á skránni, tríggjar triðju viðgerðir og fimm aðru viðgerðir.

Triðja viðgerð verður um lógarbroytingina, sum skal sleppa heimavirki undan skatti og meirvirðisgjaldi.

Broytingin er, at inntøka frá heimavirki er skattafrí, um virksemið í mesta lagi gevur 50.000 kr. um árið.

Heimavirki skal eisini kunna seljast uttan meirvirðisgjald, um selt verður fyri minni enn 50.000 kr.

Tingið skal í dag atkvøða um vardar bústaðir, sum skulu dagførast, um forskúlar í frískúlum, har mælt verður til, at kommunurnar rinda raksturin, og um doping og óreiðiliga ávirkan í ítrótti.