Átta ára gomul høll framvegis ikki avhendað

Hóast ítróttarhøllin inni í Dal í Sandoynni varð tikin í nýtslu í 2012, er hon ikki avhendað til kommunurnar í oynni.

Nú verður skotið upp, at høllin fær eina eykajáttan frá landinum, so hon kann gerast heilt liðug.

Tað er Sandoyar skúlasamband, ið varðar av ítróttarhøllini inni í Dal.

Landsverk er byggiharri, og hevur eisini gjørt metingina, ið sigur, at 1,3 milliónir krónur skulu til at gera høllina heilt lidna.