Graslíkið í Gundadali skiftast

Nú verður graslíkið á Ovari vølli í Gundadali skift. Arbeiðið byrjaði í gjár, og tað verður liðugt 5. september.

Tórshavnar kommuna hevur gjørt sáttmála við Laiderz Aps um graslíkið. Trý tilboð komu upp á arbeiðið. Upphæddin í sáttmálanum er 3,2 milliónir krónur.

Dystirnir hjá HB og B36 verða leiktir á Tórsvølli, meðan graslíkið á Ovara vølli verður skift. Tann fyrsti verður sunnudagin, tá KÍ kemur til Havnar at spæla móti B36. 

Eingir landsdystir eru í summar.