Vil ikki lova hægri játtan til tunnilstoymið

Landsstýrið eigur at seta fleiri pengar í tunnilstoymið hjá Landsverki, so koyrandi verður í Dalstunnlinum um trý ella fýra ár. Tað segði Sigurð Lamhauge, stjóri á Landsverki, í útvarpinum í vikuni.

Í heyst verður farið undir at bora Dalstunnilin, men við verandi játtan, 9 milliónir krónur, verður tunnilin neyvan liðugur fyrrenn um seks ár. Men verða 20 milliónir krónur settar av, so verður Dalstunnilin liðugur um trý ella fýra ár. Jørgin Niclasen, landstýrismaður í fíggjarmálum, vil tó ikki lova hægri játtan til tunnilstoymið.