Korona hevur ikki breitt seg á sjúklingahotellinum

Fríggjadagin var koronasmittan staðfest á sjúklingahotellinum í Keypmannahavn.

Ein avvarðandi, sum hevur verið á sjúklingahotellinum í vikuni, kannaði seg fyri koronu mikudagin.

Og fríggjadagin komu boðini um, at hon hevði koronu.

Síðan eru øll, sum eru og hava verið á sjúklingahotellinum, kannaði fyri koronu.

Kanna aftur seinni

Koronasmittan er lúmsk, tí hon kann bróta út seinni.

Tí verða øll á sjúklingahotellinum kannaði aftur um nakrar dagar.

Eisini verða leiðreglurnar á sjúklingahotellinum herdar.

Leiðreglurnar og mannagongdirnar hava verið ymiskar seinastu mánaðirnar.

Nú verður aftur umhugsað at kanna øll, sum koma til Danmarkar á sjúklingahotellið.