Kanna ferðandi til 14. august

Leiðreglurnar fyri ferðandi til Føroya halda fram óbroyttar. Øll ferðandi, sum koma til landið, skulu framvegis lata seg kanna, til 14. august 2020.

Landið ber kostnaðin, og ferðandi skulu tí ikki rinda fyri kanningina, tá ferðast verður til Føroya.

Tað boðar Heilsumálaráðið frá í dag. 

Ferðandi eiga framvegis at fara beinleiðis í heimauppihald, til tey hava fingið svar upp á kanningina. Vanliga er hetta sama kvøld, og í seinasta lagi á middegi dagin eftir.

Heilsumálaráðið hevur longt sáttmálarnar við Thetis og Smyril Line um koronukanningarnar, til 14. august.