WHO: Farsóttin verður drúgv

Stovnurin heitir á øll heimsins lond um at stríðast ímóti virusinum, hóast avleiðingarnar kunnu verða álvarsligar, millum annað vaksandi arbeiðsloysi.

Fyri einari viku síðani vórðu 500 smittutilburðir skrásettir um vikuna í Fraklandi. Nú eru 1.300 tilburðir um vikuna, og tilsamans eru 225.000 fólk skrásett at hava korunu í Fraklandi.

Eisini í Póllandi veksur talið av smittaðum. Har eru 43.346 skrásett at hava koronu. WHO ávarar um, at farsóttin er ikki av, verri enn so.

Tað ringasta ikki av enn

– Nógv lond, sum hildu, at nú var komið um tað ringasta, staðfesta fleiri smittutilburðir, sigur aðalskrivarin í WHO, Tedros Adhanom Ghebreyesus.

Bretland ætlaði at lata samfelagið spakuliga uppaftur, men ætlanin er slept.

– Eg havi sagt, at eg fari ikki at drála við at steðga tilgongdini, eru tekin um, at fleiri verða smittað. Og nú eru tekin um tað, sigur bretski forsætisráðharrin, Boris Johnson.