Seta blokkin á fundamentið í dag

Arbeiðið at skifta motorblokkin á uppsjóvarskipinum Norðborg gongur sum ætlað, sigur Mest.

Nýggi blokkurin verður settur á fundamentið í skipinum í dag.

Talan er um ein Bergen dieselmotor, sum er góðar 8.000 hestakreftir og vigar 29 tons.

Arbeiðið byrjaði fyrst í juli.

Hol er skorið í skipssíðuna á Norðborg fyri at fáa brotnaða blokkin út og tann nýggja inn.

Liggur í Norðhavnini

Norðborg liggur í Norðhavnini, meðan arbeiðið verður gjørt. Arbeiðið verður væntandi liðugt síðst í august. 

Motorblokkurin hjá Norðborg brotnaði, tá skipið var til fiskiskap 20.juni.

Ein nýggjur blokkur varð funnin í New York.