Gongur væl at fáa fólk at hjálpa

Nú koronusmittan aftur er farin at ganga, hevur Tórshavnar kommuna brúk fyri fólki at hjálpa til í eldraøkinum.

Og tað gongur væl at fáa fólk, sigur Ingun Eidesgaard, eindarleiðari.

Higartil hava eini 15 fólk boðað frá, at tey eru fús at hjálpa.

Tá korona varð staðfest í vár, vendu eini 100 fólk sær til umsorganar- og eldratænastuna hjá Tórshavnar kommuna, og tað kom væl við, sigur Ingun Eidesgaard.