Fingu undantaksloyvi at byrja skúlan

Í gjár byrjaði Føroya Eftirskúli á Tvøroyri.

Skúlin hevur fingið undaktaksloyvi at byrja, tí kravið um at í minsta lagi 16 næmingar skuldu vera á skúlanum, klárar skúlin ikki at lúka.

Fyribils eru 13 næmingar á skúlanum.

Pól Arni Holm er stjóri á Føroya Eftirskúla, sum er øðrvísi enn 10. flokkur í fólkaskúlanum.

Ein annar nýggjur eftirskúli byrjaði eisini í vikuni. Tað er eftirskúlin Brúgvin í Skálvík, sum byrjaði mánadagin.

Har ganga 31 næmingar, og allir ganga í 10. flokki. Allir næmingarnir eru føroyingar.