Seta sjóvarfalsdrekan útaftur í oktober

Sjóvarfalsdrekin í Vestmannasundi verður settur útaftur um miðjan otkober.

Tað boðar SEV frá.

Drekin varð tikin uppaftur síðst í juli, tá trupulleikar vóru við festinum millum drekan og fundamentið.

Týðandi framstig

Sambært forstjóranum í Minesto, sum SEV samarbeiðir við um sjóvarfalsorkuverkætlanina, eru týðandi framstig gjørd, og týðandi úrslit eru fingin til vega av tí arbeiði, sum higartil er gjørt í Vestmannasundi.

Arbeiðið at umvæla tjóðurskipanina á drekanum fer tó at taka nakrar vikur aftrat, og tí verður drekin ikki settur útaftur fyrr enn um miðjan oktober.

SEV boðar eisini frá, at Minesto hevur gjørt mátingar av sjóvarfalsviðurskiftum aðrastaðni í Føroyum, við tí í hyggju at finna hóskandi øki til eina møguliga størri verkætlan við sjóvarfalsorku.