Úrslitið hjá Betri banka verri enn væntað

Úrslitið hjá Betri banka er 7,3 mió. kr. eftir skatt fyrra hálvárið.

Hetta er ikki so gott sum upprunaliga væntað, sigur Betri banki.

Ein av orsøkunum er, sigur bankin, at hann hevur sett 30 mió. kr. av til tap, sum korona væntandi hevur við sær.

Og korona hevur ávirkað virðisbrævamarknaðin so nógv, at Betri banki fyrra hálvár hevði 15,9 mió. kr. í kurstapi.

Fyrra hálvár í fjør hevði Betri banki 57 mió. kr. í vinningi eftir skatt.