Krevja sama part av heildarkvotuni

Føroyar fara at krevja í minsta lagi sama part av heildarkvotuni av makreli.

Tað sigur Jacob Vestergaard, landsstýrismaður í fiskivinnumálum.

Makrelavtalan frá 2014 millum ES, Noreg og Føroyar er galdandi til ársskiftið. Og í næstum verður farið undir samráðingarnar.

Føroyar fara at krevja í minsta lagi 12,6 prosent av heildarkvotuni, sigur landsstýrismaðurin í fiskivinnumálum.

Miðað verður í fyrsta umfari eftir at finna semju í ár.

Men tað er ikki óvanligt, at strandarlondini áseta sær eina fyribils kvotu, og halda fram við samráðingunum út á várið.