Børn eitraði av gullregni við Skúlan á Fløtum

Fleiri børn vóru í vikuni innløgd við eitran av einum gullregni, sum stendur uttan fyri Frítíðarskúlan á Fløtum.

Talan var um eini 8-10 børn, og 4 av teimum fóru á skaðastovuna. Trý børn vóru so illa fyri, at tey blivu innløgd til observatión, og eitt slapp ikki heim fyrr enn næsta dag, sigur skúlastjórin.

Øll børnini hava tað gott, sigur Regin Marnerson, stjóri í skúlanum á Fløtum.

Gullregnið kann vera vandamikið at fáa í seg - serliga fyri smærri børn.

Bæði blómur og bløð eru eitrandi, men tað, sum er mest eitrandi, eru ertrarnar, sum liggja á jørðini hesa árstíðina.

Sambært heimasíðuni hjá giftlinjuni skalt tú seta seg í samband við lækna, um eitt barn undir 10 ár hevur etið fimm ertrar ella meira.

Talan var í hesum førinum um børn sum ganga í 2. flokki.