Óttast stóra smittubreiðslu í Havn

Heilsumyndugleikarnir óttast eina stóra smittubreiðslu í høvuðsstaðnum, eftir at tríggir, nýggir tilburðir av koronasmittuni vórðu staðfestir í gjár.

Í tíðindaskrivi í kvøld sigur Heilsumálaráðið, at tað er ein familja, sum er smittað við Covid-19, og at tey eru smittað í Føroyum.
Børn teirra ganga á Glasi, Skúlanum á Fløtum og einum barnaansingarstovni í Tórshavnar kommunu.

Enn er ógreitt, hvaðani smittan stavar, og tí hevur Mentamálaráðið í dag avgjørt, at allir næmingar á Glasi, fýra flokkar í fólkaskúlanum og teirra lærarar og børnini og starvsfólk í barnagarðinum eiga at vera kannað fyri koronasmittu í dag, og so aftur mikudagin.

Hoyr samrøðu við Bjarna á Steig, ráðgeva hjá Heilsumálaráðnum, sum var í tíðindunum kl. 18.

GG, í innslagnum verður sagt, at allur Skúlin á Fløtum er afturlatin í morgin, tað er ikki rætt. Tað er bert ítróttarrásin, teir flokkar sum halda til í eindini í Gundadali, ið ikki skulu koma í skúla í morgin. Hinir flokkarnir møta sum vanligt.