Fíggingargrunnurin verður tikin av

Fíggingargrunnurin, sum umsitur triðingin hjá landinum í BankNordik, skal takast av.

Landið skal síðani beinleiðis eiga partabrøvini í BankNordik.

Men um tey verða seld, hevur landsstýrið ikki avgjørt enn. Hetta verður kannað nú.

Tað sigur Jørgen Niclasen, landsstýrismaður, í svari til Heðin Mortensen, løgtingsmann, sum spurdi, hvørjar avleiðingar tað fær fyri bankan og tey, sum arbeiða har, um landið selur sín part í BankNordik.