Nú kunnu buffaradagarnir brúkast

Fiskidagar, sum ikki vórðu brúktir í fjør, kunnu nú brúkast í oktober, november og desember.

Talan er um sonevndar buffaradagar í bólkunum tvey, trý og fýra.

Í bólki tvey, sum eru trolarar, eru 450 dagar á innaru leiðini, og 662 dagar á teirri ytru.

Bólkur trý, línuskipini, hevur 364 dagar, bólkur fýra A, útróðrarbátar millum 15 og 40 tons, hevur 370 dagar, og bólkur fýra B, útróðrarbátar millum 40 og 110 tons, hevur 618 dagar.

Bara fiskifør, sum hava fiskað allar sínar tillutaðu dagar í 2020, hava rætt til buffaradagar.